Plantun de Prouvènço

Pèr coumpara dos planto d'encò nostre

Hornungia petraea & Aegilops cylindrica

Hornungia petraea

Brassicaceae Cruciferae

Nom en français : Hutchinsie des rochers.

Descripcioun :
Pichoto planto de l'an emé de fueio penado (fotò) mai que soun pas tóuti à la baso (au contro de H. nudicaulis). Fai de flour proun menudo emé de petalo noun fendudo.

Usanço :
Couneissèn pas d'usanço particuliero pèr aquelo planto.

Port : Erbo
Taio : 2 à 10 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Hornungia
Famiho : Brassicaceae
Famiho classico : Cruciferae

Ordre : Brassicales

Coulour de la flour : Blanco
Petalo : 4
Ø (o loungour) flour : 1 mm
Flourido : Printems Ivèr

Sòu : Ca
Autour basso e auto : 0 à 1800 m
Aparado : Noun
Febrié à jun

Liò : Roucaio - Esboudèu - Tepiero seco - Tepiero roucaiouso
Estànci : Termoumediterran à Coulinen
Couroulougi : Eurimediterrano-Nord
Ref. sc. : Hornungia petraea (L.) Rchb., 1838

Blad-dóu-diable(-di-long)

Aegilops cylindrica

Poaceae Graminaceae

Nom en français : Égilope cylindrique.

Descripcioun :
Aquéu blad-dóu-diable vèn de Turquìo e se pòu trouba d'eici d'eila dins li champ e lis escoumbre. Aleva noste relarg d'auto Prouvènço èi pulèu rare. Se recounèis à sa longo espigo que fai uno meno de cilindre de 4 mm de diamètre. Lis arèsto di glumo e di lemma soun courteto à la baso e loungarudo au soumet de l'espigo. Coumpara amé Aegilops ventricosa que ié sèmblo, mai que lis espigueto soun pu redouno.

Usanço :
Li blad-dóu-diable soun proche dis àvi fèr de nòsti blad cultiva. Soun adounc bon à manja, mai sara un pau long pèr n'en acampa li grano. Èron acampa en Sicilo à passa tèms.